बेलायतको प्रधानमन्त्रीमा ४२ वर्षीय ऋषि सुनक


Bazar Dainik
25 October, 2022 7:05 pm

काठमाडौँ, कात्तिक ८ । राजा चार्ल्स तृतीयलाई भेटेसँगै ऋषि सुनक औपचारिक रुपमा बेलायतको प्रधानमन्त्री बनेका छन् ।

कन्जरभेटिभ पार्टीको नेता चुनिएका उनले मंगलबार बर्किङ्घम दरबारमा राजासँग भेट गरेका थिए । त्यसक्रममा राजाले सरकार गठनका लागि आग्रह गरेका छन् । यससँगै ऋषि बेलायतको ५७औं प्रधानमन्त्री बनेका छन् । उनी ४२ वर्षीय हुन् ।

उनी बेलायतका पहिलो ब्रिटिश एसियाली प्रधानमन्त्री भएका छन् । बेलायतमा उनी यस वर्षका तेस्रो प्रधानमन्त्री पनि हुन् ।
डाउन स्ट्रिटबाट देशका नाममा सम्बोधन गरेका ऋषिले आफ्नो पूर्ववर्तीले गरेका केही गल्तीलाई सुधार्न तत्काल सुरु गर्ने बताएका छन् ।

बोरिस जोनसनले प्रधानमन्त्रीका रुपमा हासिल गरेका अभूतपूर्व उपलब्धीप्रति धन्य रहने भन्दै उनले भनेका छन्, ‘हाल हाम्रो देशको गम्भीर आर्थिक संकट सामाना गरिरहेका छौं ।’

प्रतिक्रिया दिनुहोस्